大隻奶粉的誤解(蛋白粉,增重粉)


大隻奶粉的誤解(蛋白粉,增重粉)

對於坊間經常的一個說法,要增肌練大隻,係咪一定要飲左大隻奶粉先會變大隻,生肌肉,唔飲唔大隻,(甚至有人問我係咪係咪有D叫爆骨丸,尼個晤講住,今次只講奶粉)。

其實大隻奶粉只係營養補給品,等同於食物,不過佢營養成粉比較合比例,適合健身人士飲用,但始終食物先係最重要,如果唔係大隻奶就唔會叫做補充品(supplement)。

如果正常飲食達到增肌増重標準可以唔飲,你地聽我咁講可能會問?咁大隻奶有乜用,咁當然唔係無用,佢咁受大家喜愛當然有佢原因。

(一)快速補充營養所需,營養比例合適,作為代餐和健身前後飲用非常合適,因健身後身體極度需要補充,一杯大隻奶啱曬,因為健身後一小時內一般無乜胃口,呢個時候你會發覺佢嘅重要性。

(二)需要好多蛋白質人士,例如一個200磅嘅肌肉人每天最基本需要200克或以上的蛋白質,如在日常飲食上滿足唔到身體咁多蛋白質需求,呢個時候大隻奶又發揮佢功效。

(三)平價優質蛋白質,點解咁講呢,因為一杯大隻奶一般都有三十克蛋白質以上,如果比起食牛扒食魚食鷄肉,佢價格相對便宜,當然你可以話鷄蛋平,但你食唔食到咁多雞蛋先。

至於練大隻係咪一定要飲,上面講左,食物始終最重要。

另外重申一點,其實佢只係營養補充品,飲左係唔會變健美先生的,必須配合正確訓練及飲食營養方可。

作者:私人健身教練RyanPoon