常仔正傳(43)


培訓課除了比較沉悶外,其實都無乜特別,畢竟都仲未正式返工,但新健身室的第一天,常仔真係好鬼緊張加期待,好不容易終於收工,常仔用沉重但快速的步伐前往健身室,又沉重但係又要快速,真係好矛盾🤣。

入場見過昨天介紹場地的教練坐在小小的接待處,(所謂接待處其實只係對正門口一張約一米多一點小枱,另外的其實都無乜點介紹,只係講過你自己隨便睇睇及月費報價😅),教練已經是一位年過七十,滿頭白髮,但身形還是十分健碩的老人,一個字,型😤,健身室內有一個好細及有D汗臭的更衣室(甘細嘅更衣室真係好難想像如果尋日果两個巨漢點喺度換衫褲😅)。

常仔從背包拿出至愛的運動服白色緊身阿伯款背心加運動長褲(之前都無提過,現在後補番😅),換過衣服便步出更衣室,到這一刻常仔才真正的看清楚場地的一切,在這個約一千尺不到的健身室內,健身器材攞放得密密麻麻(雖則不是什麼外國大牌子,都是香港土砲制作,但對於常仔來說,已經等於是進入了一個全新的國度),還有從未接觸過的槓鈴,大重量啞鈴,記憶中最大的是125lb,哇,人類真的能夠舉得起嗎(當時的心態)🥶。

場內各會員身形一般也比較健碩,在體育中心身形叫做不錯的常仔,在這裏變成小朋友級別😅,態度更是不能相比,訓練中更不時傳出一聲聲嚎叫(大隻佬練野特色😁),另外仲有一個都幾大嘅問題,就係汵氣晤多夠涷,尼個都算係當年鐵館健身室通病,但收甘嘅價錢就晤好甘多要求😅,常仔明白的😁。

在新環境產生不適應情緒是非常合理,環顧場內,只有白頭教練叫做有同常仔接觸過,所以常仔好奇地問了白頭教練一個問題?究竟練胸應該做乜動作,各位佔下白頭教練點答呢😁?

待續……

作者:Ryan poon