常仔正傳(40)


上集講到常仔終於進入健身室訓練(健身室雖然設施一般,但點都好過得一對啞鈴的家居健身😅),健身之路也踏上新的佂途。

來體育中心的人士並沒有常仔內心所想全是虎背熊腰人士,反而青少年及叔叔居多,而除了器械外,在健身室入口處放置了一個醫生磅(政府診所常見的類型),常仔一直都想稱稱,因為屋企個浴室磅其實晤多準確,但又害怕結果不如所願,結果簡單不過的事情,卻好像變得困難重重一樣。

不經不覺又過左幾個月,常仔的體型又開始起變化,感覺上又變壯了一點點,終於有了上磅的自信,甘究竟結果如何,登登登登!答案是130磅,以常仔當時約176cm的高度來講其實都仲係瘦,但對比起两年幾開始前 104 磅去比較,都起碼由一個飢民變成一個有肌肉嘅小鋼條,雖則增肌進度都係好緩慢,但所有過程常仔都係透過自學,甚或經歷當中挫折而仍然絕不放棄嘅精神,都應該為常仔拍一拍手掌(两秒甘多😁)。

在經歷這一小躍進後,隨之而來的是一段不短的停滯,即係進入平台期,苦惱是當時心情的寫照,甘洛去都晤係辦法,但又有乜辦法呢?馬上想到的就係去請教體育中心女教練,但請教完之後至發覺女教練並不是主修健身,雖則係甘,但女教練還是給予了意見,健身奶粉,一個常仔一直有聽聞,但從未証實的事情。

甘大個都仲要飲奶🤔(但現況係常仔已經健身毒上腦,只要你同常仔講,食屎會大隻,可能都會考慮(健身友好們,您懂的🤣),點都要一試,幾經查探下知道某一大型連鎖店是有代理健身奶粉,心動不如行動,两個字,起行。

到達連鎖商店,喺左揾右揾下終於喺一個小角落發現左傳說中的健身奶粉,仲好記得桶上寫著 muscle building😍,即刻比錢已經係指定動作,記憶中都要三百幾港元,喺當時來講都晤係小數目(常仔月薪約七千多)。

得到仙丹加持,常仔神功係咪又可以神功大成呢?下集講你知😁。

作者:Ryan poon

×