常仔正傳(28)


不經不覺常仔投身社會工作已一年多時間,期間三次轉業,改變工作的速度其實都幾驚人,須知道好多人可能成世都係同一工種,甚或一份工作做到老,但尼個只係常仔踏入社會的開始,往後的改變更是令人感覺不可思議,因為新的改變又來襲了。

日夜顛倒的工作時間令常仔的失眠問題越發嚴重,再加上午出晚歸也令朋友的社交完全中斷,小朋友都是愛玩的,無得玩尼件事情都確實幾煩擾,甘係咪又要變?無錯,而且仲變得好快。

今次常仔要做邊行呢,經朋友介紹下,去左屋企附近一個貨倉做倉務員,甘倉務係做乜架,嚴格來講係半個搬運員及貨物進出紀錄,甘尼份工作有乜吸引到常仔又轉行呢,就係工作時間係9~6,正常工作時間,薪酬比喺大排檔工作小左接近30%(喺厨師工作來講常仔已經算係小師父,來到尼度又重新來過,工資小左係正常到不得了)。

但為左新生活,常仔可以話係義無反顧,跟抽水強,聖,老闆大餅小道別後,告別厨師的工作,不捨確實是有的,懷念的是那一股人情味,到今天回想也是揮而不散。

新工作雖然係要搬搬抬抬,但幸好主要貨物都是一些小家品,常仔尼個小排骨都仲頂得住,而且經過約一個月工作後,又發生左小小變化,係邊方面或邊度變化,下集講您知☺。

待續……

作者:Ryan poon