常仔正傳（22）

收工時間都成10點幾，半夜三更究竟去邊？聖回答道去唱歌，卡拉ok，一個從未接觸過的名詞，仲要係唱歌，究竟係點唱法，懷著緊張又興奮的心情出發上路。

抽水強9點多D已經鬆人，話要去接人，我跟聖在約定的卡拉ok等佢（今時今日講返尼四個字都有小小打冷震😅），我們先行到達，等待片刻一道光線劃過眼簾，是一輛藍色小房車，車內竟是抽水強，原來強哥竟是有車之人，同時車內隱約見到坐著一位女士，仲好似幾靚女，及後得知抽水強係，結左婚的，甘咪即係婚外情😱，原來情愛係可以甘復雜同甘混亂，但尼一切同常仔都無乜直接關係，今晚最重要係了解清楚乜野係卡拉ok（又震震🥶）。

卡拉ok係乜就晤需要多作解釋，點操作亦晤重要，今晚最重要發現竟然係常仔唱歌都幾好聽，可說是有點唱歌天份，但尼個天份係常仔自己都晤知的。

從小到大對唱歌的印像都是聽到合耳的音樂跟著偶爾唱两句，唯一的唱足全首歌機會係發生喺小學五年班的夏令營，營內有多間小學同參與宿營，在臨別的晚上舉行了一個合唱歌曲比賽，分為男女子組別，所有人無一幸免都必須參與，仲記得常仔組別參賽歌曲係羅記嘅幾許風雨（年紀輕輕就幾許風雨😓，其實係因為歌曲係特定果幾隻，但點解最後唱羅記就真係亳無影象）。

夏令營五日四夜，在開始的數天裏，老師每天也抽點點時間跟大家練習，但由於老師都晤係音樂人，所以都係隨隨便便甘唱下，感覺上好似晤好唱錯就ok，水兵程度可見一班😅。

去卡拉ok變左常仔歌唱回憶錄，但篇幅真係太長，留返下集👌。

待續……

作者 ：Ryan poon