常仔正傳(10)

發了四個月的漫畫家夢醒了,常仔又再回歸到待業中,個時來運到,待業不足两周來了一通電話,是一位之前同公司認識的燒味師父(名叫籃),告知一間新的酒樓即將開業,而籃是燒味部工場師父之一,現在仍有職位空缺,特意詢問常仔有否興趣,此刻無所事事的常仔自是欣然答應。

但今次的職位及工作並不是在燒味工場,而是企檔,即係大家喺酒樓飲茶食飯見到掛滿燒味果間玻璃房,雖然都係燒味部,但工作性質明顯不同,會否又係一個人生新挑戰呢?

是否新挑戰就不得而知,但肯定係一個新的體驗,此話何解,原來在正式開張之前約两星期左右已經要返工,但尼個時候酒樓的裝修其實仍在進行中的,仲可以講係如火如荼嘅時間,甘尼個時間返去做乜,(晤通一齊做裝修🤣)?

非也非也,其實主要是了解返工作地方器材的設置,例如燒爐放在那裏, 砧板工作枱的設置等等……

但對於經驗學師常仔來講,尼两個星期可說是無所事事,點解?正所謂大人講野,幾時到細路仔出聲😅🤣,但常仔當然自得其樂,因為無人得閒理佢,難得两星期白逗薪金,真係人生有幾何😁。

開心快活的两星期很快過去,酒樓迎來開幕的日子,新的戰場,新的體驗,仲有喺尼度常仔會發生人生必經但又刻骨銘心的事,係乜事甘緊要?

常仔初戀了😍

待續……

作者:Ryan poon