上集講到愛上足球的原因，今集就講下我點踢足球。

當時一星期都起碼踢五至六日，至於踢乜位其實大家係無乜概念的，記得當時在家的附有一個小公園（簡稱細場）同一個綜合運動場（尼個叫大場），通常大場只有喺仲有太陽嘅時候先有機會比我地呢 D 小朋友去踢，因為一到晚上就係成年人的世界（佢地放工了，大家明啦）。

慢慢地我們對足球的熱誠比學校的體育老師發現左，佢姓梅，我地叫佢梅生（當年晤興中英夾雜的haha），佢對我地熱愛足球尼個舉動非常有興趣，更利用工餘時間去教我地一D簡單的足球技巧及理論，而最重要係佢發現我嘅足球天賦，登登登登，係守龍門，估晤瘦猛猛嘅我竟然可以去守龍門，雖然我瘦猛猛，但其實我反應幾快架，我諗應該係甘，所以佢比個正選我，但今日諗返轉頭，其實果時係無乜邊位想宁龍的，因為成日比人射，但自問自己又無體能身位，射腳波都無力嘅情況下都場場有份踢，算係甘啦haha。

在球隊漸漸成型下，梅生開始揾D友賽比我地踢下，都係附近的小學球隊，我都晤太記得究竟踢左幾多場，但戰績確實晤錯，好似無輸過，係我地實力太高或對手太弱就不得而知，因為時間不能回頭去探個真實。

就甘踢左差不多一年，也迎來我小學生涯的完結年，我小六了，要昇中學了，要各散東西了，我們的足球隊要解散了嗎，下集講您知。

作者：Ryan poon

更多最新健身資訊請瀏覽 Dream Fitness 網站：http://www.dreamfitness.com.hk/

除了漫畫，在我的學生年代另一著迷的就只有足球，著迷的起因都是緣於一套日本的漫畫「 足球小將」，但我初次接觸並不是漫畫，是電視動畫。

尼套漫畫可能年輕的朋友會晤知係乜東東（因為老實講，Ryan poon已經係一位阿叔haha)，當中的故事情節，角色成長可以用非常厲志及熱血來形容，雖然主角戴志偉每次施射衝力射球都要射半集或一集（ 衝力射球係佢嘅必殺技），跟住下集小志強個猛虎射球又頂半集，睇到媽聲四起加嘔血同反肚，但每日下午四點左右都係會乖乖留守喺電視機前面 噴血欣賞。

欣賞完畢之後，各路英雄就會聚集喺公園裏面，一邊討論番啱啱果集嘅內容（其實以當時年紀及分析能力，基本上都係講返個衝力射球幾時先射得出）。

啱啱講左係一邊討論，甘另一邊係乜呢？就梗係開波啦，在我們小時候，大部份家庭環境都係一般，我們能夠從家裏得到的零用錢並不多，甚至可以話係無，我們當時的足球都是每位朋友及同學夾錢買的，除非真係踢到爆左或漏氣，否則都係會繼續使用，在當時的環境來說這可以說是必需的節儉。

今次講到尼度，下一集就會講下我成為校隊足球員的故事，下回見。

作者：Ryan poon

更多最新健身資訊請瀏覽 Dream Fitness 網站：http://www.dreamfitness.com.hk/

上次講到我好似鬼上身咁，每天除了返學，就是不斷的畫。

所以每個學年的習作簿也是不夠用的（不知內情的可能以為我係一個好勤奮的學生haha）， 這樣畫，畫，畫的歲月基本上覆蓋了我的中，小學年代。

這段熱情直到畢業後就慢慢地冷卻下來，但今天回想起來，當時對漫畫的確十分熱血，不為什麼，只是因為喜歡，這一份情懷當人長大了，成熟了確實很難做到。

偶爾有時候會問問自己，對健碩身形的迷戀除了是自己小時候體弱多病及受盡欺凌外，黄小虎，石黑龍或華英雄會有關連嗎 （因打鬥漫畫的主角一般都是肌肉橫練）？

諗諗下又好似無，可能當時最專注的是我希望長大後能當一位漫畫家，一心並沒二用，所以喜歡健身運動應該唔關漫畫事。

對於漫畫就講到呢度，再見！

作者：Ryan Poon

更多最新健身資訊請瀏覽 Dream Fitness 網站：http://www.dreamfitness.com.hk/

在我人生中對我影響深遠的除了健身運動， 排名第二位的絕對是漫畫（當年大家都叫佢做公仔書）。

小時候在家的門前有一個小小的書報攤，這個書報攤面積很小（只有約今天 一張office寫字枱的面積）， 我與漫畫的接觸也源於這個書報攤。

漫畫的種類也只有香港的，絕對不能和今天的相提並論，其實大約的書名我都仲記得，包括香港漫畫界鼎鼎大名的黃玉郎作品，龍虎門，醉拳，如來神掌，畫功超卓馬榮成的中華英雄及上官小寶的李小龍，如果無記錯仲有一本鬼故漫畫家叫漢文（但唔記得左書名，因細個膽小，有得睇都唔敢睇，所以唔係好記得，希望漢文呢個名都無記錯。

受到這些漫畫的薰陶，深深地迷住了我的腦海，而我也不只是單純的只會看，更坐言起行，我都畫埋一份，我上學的課本，學校派發的習作簿基本上都給我畫得滿滿的，記得當時的班主任留意到這一情況，他說我的課本打開後根本就是一本漫畫書。

可能是日子有功的源故，慢慢地我好像有了一點畫功（即係畫隻猫都幾似隻猫，而唔多似隻狗haha），同學們紛紛都說，潘先生，原來你識畫公仔架喎， 有了一點的小成功感後我決定挑戰自己，真的畫起漫畫來，而題材自是港式的打鬥漫畫（因為基本上面提及的漫畫作者及種類除了漢文先生外，類型都係打，打，打），故事內容當然係左抄右抄， 呢排興報仇雪恨就報仇雪恨， 精忠報國就精忠報國，總之目的只有一個，就係內容要打，打，打。

咁打法，究竟會打到幾時？

留待下集分曉！

作者：Ryan poon

更多最新健身資訊請瀏覽 Dream Fitness 網站：http://www.dreamfitness.com.hk/